Image تحضير مملحات بشرائح الدجاج

موضوع ام دعاء السلام عليكم ورحمة الله تعالى وبركاته مقادير العجين: الدقيق لقياس الكافي شوية ملح خميرة الخبز 2 معالق زيت لعود شوية زعتر الحليب الدافي لجمع العجين ندلكوها مزيان حتى ترطاب ندهنوها بشوية الزيت نوضعوها فبلاستيكة حتى تخمر من بعد نطلقوها بين 2 بلاستيكات ونقطعوها دوائر صغار نوضعوهم فطاوة مدهونة بالزبدة مرشوشة بالدقيق نتكوهم بلفورشيط نوزع فوقهم صلصة لكيتشب ندهنوهم بيها الحشو حسب الرغبة استعملت بصلة شرائح وضعتها فمقلاة مع شوية زيت لعود مين ذبالت ضفت ليها شرائح الدجاج شوية ملح ابزار زعتر غطيت على الكل نوزعه فوق البيتزات نوضعو فوقهم شوية فلفلة خضرا من بعد ما شويتها نقيتها شحرتها فشوية الزيت ندخلوهم لفران من بعد ما يطيبو نوضع فوقهم فروماج محكوك نوليو نرجعوهم لفران غي يذوب لفروماج نخرجوهم ونقدمهم على هذا الشكل بالصحة و الراحة